«Атырау-ақпарат» медиахолдингіне Ысқақ Егембердиев басшы болып тағайындалды: 17 шілде 2020, жаңалықтар Turkystan.kz

«Атырау-ақпарат» медиахолдингіне Ысқақ Егембердиев басшы болып тағайындалды Атырау облысының коммуникациялар қызметінің хабарлауынша, «Атырау-ақпарат» ұжымына жаңадан келген басшы Ысқақ Егембердиевті Атырау облысы әкімнің орынбасары Бақытгүл Хаменова таныстырып, қызметіне сәттілік тіледі. Ысқақ Егембердиев 1983 жылы дүниеге келген. Білімі – жоғары. 2000-2004 жылдары Әл-Фараби атындағы Қазақ ұлттық университетінің Журналистика факультетін бітірген. Одан кейін 2005-2007 жылдары Әл-Фараби атындағы Қазақ ұлттық университетінің журналистика магистрі біліктілігі мен академиялық дәрежесін алған.

Еңбек жолын 2000 жылы Қарағанды облысы Жезқазған қаласының «Сарыарқа», «Мысты өңір» газеттерінде тілші болып бастаған. 2003-2004 ж.ж. «Қазақ университеті», «Жас Алаш» газеттерінің тілшісі қызметтерін атқарған. 2005-2019 жылдары аралығында «Хабар» агенттігінде сценарист, редактор, шеф-редактор, продюсер, жоба жетекшісі болып еңбек еткен. 2019 сәуірінен бастап «Атырау-Ақпарат» ЖШС директорының орынбасары қызметін атқарып келді. Қазіргі уақытта «Атырау – Ақпарат» медиахолдингі 2 облыстық, 7 аудандық газеттерді, 11 сайтты және үлкен баспахананы біріктіріп отырған үлкен құрылым. Қазіргі уақытта холдингте дәстүрлі журналистикамен бірге, интернет медиа дамып келеді.

Бөлісу:

Ұқсас мақалалар

Көп оқылған