16 Шілде, 11:05 406 0 Жаһан Анар ЛЕПЕСОВА

Дүниежүзілік банк Қырғызстанға 13 жедел жәрдем көлігін сатып алуға көмектесті

Дүниежүзілік банктің "Қырғызстандағы табиғи апаттар қаупіне қарсы тұру" жобасы аясында Қырғызстанның денсаулық сақтау министрлігі 13 жедел жәрдем көлігін сатып алды. 

Ведомствоның баспасөз қызметі таратқан ақпаратқа сүйенсек, көліктердің жалпы құны - 764 мың 900 доллар. Жедел жәрдем көлігінің үшеуінде өкпені жасанды демалдыру аппараты бар. Сатып алынған көліктер елдің жеті аймағына бөлінбек. 

Дүниежүзілік банктің аталған жобасы аясында 9 миллион доллар қарастырылған. Бұған дейін дейін жоба аясында жасанды тыныс алу аппараты, дәрі-дәрмектер, 13 жедел жәрдем көлігін сатып алу қарастырылғаны хабарланған.

Айта кетейік, бүгінде Қырғызстанда коронавирусқа шалдыққандар саны 12 миллионға жуықтады. Індеттен 160 науқас көз жұмды.

Соңғы жаңалықтар