247
Алматы әкімдігіндегілер мейрамханада өтіп жатқан той үстінен түсті (видео)
Алматы әкімдігіндегілер мейрамханада өтіп жатқан той үстінен түсті (видео)
Қала әкімдігінің жанындағы бақылау тобының өкілдері Бостандық ауданындағы Алмарасан шатқалында өтіп жатқан той үстінен түсті, деп хабарлайды Алматы телеарнасы.
Енгізілген қосымша шектеулерге қарамастан, "Райский сад" мейрамханасында өткен тойға бақылаушылармен бірге телеарнаның түсірілім тобы да барған.
Видеодан тойға жиналған қонақтар мониторинг тобының қызметкерлерін көргенде бетперде кие бастағанын байқауға болады.
Қонақтар сол мезетте-ақ таратылып, мейрамхана иесіне хаттама толтырылды. Енді оған үлкен сомада айыппұл салынуы мүмкін.
Айта кетейік, коронавирус инфекциясын жұқтырған адамдар санының өсуіне байланысты 5 шілдеден бастап Алматыда қосымша шектеулер, оның ішінде жаппай және отбасылық іс-шаралар өткізуге тыйым салынды.
https://www.youtube.com/watch?v=8F5aYG30eg0&feature=emb_logo
