Жексенбі, 4 Желтоқсан, 2022

Иранда коронавирус жұқтырғандар саны 593-ке жетті

Иранда коронавирус жұқтырғандар қатары тағы 205 адаммен толықты. Елде пневмонияның жаңа түрінен 43 адам көз жұмды. Бұл туралы ИРНА хабарлады. 

Иранның денсаулық сақтау министрлігінің өкілі Киануш Джаханпурдың мәлімдемесіне сүйенсек, инфекция жұқтырғандардың жалпы саны 593 болды. Оның ішінде 123 адам аурудан жазылған, 43 адам өмірден озған.

Коронавирус жұқтырудың жаңа деректерінің көбі, нақтырақ айтқанда  52-сі Тегеранда тіркелген. Кумда – 21, Гилянда – 17, Голестанда – 22, Исфаханда – 12, Маркази провинциясында – 18, Мазендеранда – 12, Оңтүстік Хорасанда – 1, Иламда – 1, Фарс провинциясында – 8, Шығыс Әзербайжанда – 6, Ардебилде – 3, Альборзда – 8, Семнанда – 4, Күрдістанда – 5, Казвинде – 6, Хузестанда – 4, Систан және Белуджистан провинциясында – 1 және Йезде – 4 адам жұқпалы дертке шалдыққан.

Айта кетейік, бүгінде әлем бойынша коронавирус жұқтырғандардың саны 85 мың адамнан асты.

Байқау айқын
Байқау айқын

Ұқсас жаңалықтар

Back to top button