12 Қаңтар, 15:43 372 0 Мәдениет Анар ЛЕПЕСОВА

"Астана Опера" театрында спектакль кезінде өрт шықты

Елордада Е. Вахтангов атындағы Мәскеу театрының гастролі кезінде "Астана Опера" театрының сахнасынан өрт шықты.

Бұл туралы белгілі ресейлік актер Сергей Маковецкий айтты, деп хабарлайды Sputniknews.kz

Әртістер "Дядя Ваня" қойылымын сахналап жатқан.

"Нұр-Сұлтандағы гастроліміз де аяқталды. Қойылымдардың бірінде аздап өрт шықты. Шам өртенді. Шымылдықты түсіріп, жұртты тыныштандырдық. Өрт сөндіргіштермен сөндіргеннен кейін, спектакль әрі қарай жалғасты. Құдды ештеңе болмағандай", - деді Маковецкий инстаграмдағы парақшасында.

Әртіс жақсы қойылым барысында кез келген күтпеген оқиға режиссермен алдын ала ойластырылған секілді болып көрінетінін атап өтті.

Мәскеулік Вахтангов театры Қазақстанға әлемдік турне аясында келді. Театрдың 100 жылдығына орайластырылған турне 2019 жылдың күзінде Парижде басталды.

"Астана Опера" сахнасында 8-11 қаңтар аралығында Александр Пушкиннің "Евгений Онегин" және Антон Чеховтің "Дядя Ваня" шығармалары сахналанды.

Қойылымдарда басты рөлдерді театр және кино әртістері Сергей Маковецкий, Леонид Бичевин, Ольга Лерман, Людмила Максакова, Ирина Купченко, Артур Иванов, Олег Макаров, Николай Романовский, Мария Волкова, Наталья Винокурова және Юрий Шлыков сомдады.

 

Соңғы жаңалықтар