Жаңа жылдан бастап мүлік және жер салығы біріктіріледі

Қазақстанда 2020 жылдан бастап жер мен мүлік салығын біріктірілмек. Бұл туралы ОКҚ-да өткен баспасөз мәслихатында ҚР МКК Салық салу әдіснамасы департаменті директорының міндетін атқарушы Дәулет Жарылғасынов айтты, деп хабарлайды ҚазАқпарат. «Алдағы уақытта жеке тұлғалардың мүлік салығы мен жер салығын төлеуді жеңілдету көзделіп отыр. Осы мақсатта «ҚР-ның кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» заң жобасы арқылы салық элементтерін өзгертпестен осы салықтарды (жер мен мүлік) біріктіру ұсынылуда», - деді Дәулет Жарылғасынов. Оның айтуынша, бұл жағдайда жер мен мүлікке салынатын салық жеке-жеке есептеледі. Ал салық төлеушіге бір сомамен төлеу ұсынылады. «Сол секілді, заң жобасында көп пәтерлі тұрғын үйлердің иелері бойынша жер салығын алып тастау да қарастырылған», - деді ол.  

Серіктес жаңалықтары