Тұрақтылық – экономиканың тірегі

«Nur Otan» партиясы Төрағасының Бірінші орынбасары Бауыржан Байбек Германия Федеративті Республикасы Бундестаг төрағасының орынбасары Ханс-Петер Фридрихпен кездесті. Тараптар өзара партияаралық ынтымақтастықты дамыту перспективаларын, «жаңа» медианың елдегі қоғамдық-саяси ахуалға ықпалын, сондай-ақ, «Nur Otan» партиясын қайта жандандырудағы негізгі бағыттарды талқылады. Бүгінде Қазақстан мен Гер­мания арасындағы се­німді серік­тестіктің арқасында сауда-экономикалық және мәдени-гуманитарлық ынтымақтастық қарқынды дамуда. 2018 жы­лы екі ел арасындағы тауар айналымы 5,9 пайызға өсіп, жалпы құны – 5,1 млрд. еуроға жетті. Қазақстан Германияның Орталық Азиядағы негізгі серіктесі са­налады. Ал екіжақты сауда-сат­тықтың жалпы көлемі Германияның осы аймақтағы елдерімен сыртқы сауда операцияларының 85 пайыздан астамын құрайды. «70 жыл бойы Германияның саяси жүйесінде тұрақтылық орын алды. Соның арқасында біз экономикалық зор табысқа қол жеткіздік. Дегенмен, заман талабы өзгеруде, қазір біздің федерал­ды жиынымызда алты фракция бар. Біз саяси тұрақтылықтың арқасында Қазақстанның 30 жыл­ға жуық уақыттың ішінде мық­ты серпіліс жасағанын көріп отырмыз. Жұртшылық тұрақтылықтың аса үлкен құндылық еке­­нін түсінуі тиіс. Себебі ол эко­номиканың тірегі. Біз әлі де болса бұл жолға қайта ораламыз деп сене­мін. Сәт сайын өзгеріп жатқан әлемде барлығымыздың алды­мызда жаңа сынақтар кездесетіні анық. Мәселен, жаңа техно­логиялардың дамуымен қатар, цифрлық саладағы заңдылықтарды сақтауды, мораль мен әдеп, дәстүрлі құндылықтарды насихаттауды қамтамасыз ету қажет», – деді Ханс-Петер Фридрих. «Nur Otan» партиясы Төрағасының Бірінші орынбасары Бауыр­жан Байбек Германияның Христиан-демократиялық одағы партиясының және Қазақстандағы К.Аденауэр атындағы қордың өкілдерімен де кездесу өткізген. Кездесу барысында тараптар партиялық праймериз рәсімін ұйымдастыру және өткізу тәр­ті­бін талқылады. Бұл рәсімді ХДО партияішілік демократияны қарқынды дамыту үшін сайлау науқаны барысында қолданып келеді. Сайлау науқаны және сайлауаралық кезеңде де партияның жаңа көшбасшыларын анықтау мәселелері бойынша тәжірибе алмасты. Айта кетейік, Христиан-демократиялық одағы Германия үшін ауыр кезең болған 1945 жылы құрылды. Аталған одақ қоғамды біріктіріп, ел дамуына түбегейлі жаңа серпін берді. Кон­рад Аденауэр – Германияның федеральдық канцлері және ХДО партиясының төрағасы. Оның есімін Германиядағы демо­кратиялық қайта құрумен, еуропалық бірігу мен әлеуметтік на­рықтық экономикаға бастаған оң өзгерістермен байланыстырады.

Серіктес жаңалықтары