17 Қыркүйек, 16:44 499 0 Жаһан Анар ЛЕПЕСОВА

Қазақстанға шетелден көлік әкелу мен тіркеудің құны қанша?

Елімізге шетелден көлік алып келіп, оны тіркеу мен кедендік рәсімдеудің құны қанша? Kolesa.kz осы сұраққа жауап іздеп көріпті.

 ЕАЭО елдерінен автомобиль сатып алу, соның ішінде Арменияда рәсімдеудің оңай әрі арзан болуына байланысты бүгінде көптеген қазақстандықтардың назарын аудартып отыр. Қазақстанда мұндай автомобильдер сатып алушылар  кедендік баж салығы мен басқа да төлемдердегі айырмашылықты төлеуі қажет.

Сонымен, көпшілікке ұнайтын 2012 жылы АҚШ-та шыққан, көлемі 2,5 болатын Toyota Camry көлігін алып қарайтын болсақ, автокөлік экологиялық санатқа (Евро-4), сондай-ақ Қазақстан Республикасында тіркеуге қойылатын басқа да талаптарға сәйкес келеді. Мұхиттың ар жағында оны 8-9 мың долларға сатып ала аласыз. Жеткізу құны тағы 2500 доллар. Кедендік баж – 20 000 теңге немесе 52,05 доллар. Барлығы 10,552,05 долларды құрайды.

Қазақстан Республикасындағы импорттық баждар жыл сайын біртіндеп төмендеп келеді, соның өзінде айтарлықтай қымбат. Жеті жылдан асқан Camry көлігін әкелу кедендік құнның 19%-ын құрайды. Яғни 19%-ды 10 552,05 доллардан есептеп шығару керек. Нәтижесінде төлем 2 004,89 долларды құрайды. Содан кейін қосымша құн салығын төлеуіңіз керек (автомобильдің кедендік құнынан 12% және кедендік баж, яғни 12% (10 552.05 + 2 004.89) = 1 506.83 доллар).

Қазақстанда тіркелу үшін сатып алушы құтқару ақысын да төлеуі керек. Көлемі 2001-ден 3000 текше/см көлік үшін 500 АЕК – 1,226,500 теңге немесе 3 285,85 доллар. Сондай-ақ дәл осылай бастапқы тіркеу жарнасы үш жылдан асқан жеңіл көліктер үшін 500 АЕК – 1 262 500 теңге немесе 3 285,85 доллар.

Сонымен қатар Қазақстан Республикасында тіркеуден бұрын көлік құралының қауіпсіздік сертификатын алып, аттестацияланған орнату орталықтарынан көлікке ЭВАК тетігін орнату қажет (50 000 теңге + 189 000 теңге = 239 000 теңге немесе 622.4 доллар).

Осылайша көлемі 2,5 болатын сегіз жылдық Toyota Camry-ді  тек кедендік рәсімдеу мен Қазақстанда тіркеу 10 705,82 АҚШ  доллар болады. Бұл көліктің өзінен қымбат. Жалпы алғанда, жеткізіп беру арқылы автомобиль сатып алу 8 163 000 теңгеге шығады.

Соңғы жаңалықтар