283
Қасым-Жомарт Тоқаев ЕҚЫҰ-ның жоғарғы комиссары Ламберто Заньерді қабылдады
Қасым-Жомарт Тоқаев ЕҚЫҰ-ның жоғарғы комиссары Ламберто Заньерді қабылдады
Мемлекет басшысы Еуропадағы Қауіпсіздік және Ынтымақтастық Ұйымының Аз ұлттар істері жөніндегі жоғарғы комиссары Ламберто Заньерді қабылдады, деп хабарлайды Ақорданың баспасөз қызметі.
Кездесу барысында тараптар Қазақстандағы қоғамдық-саяси ахуал, соның ішінде, этносаралық қатынастар саласындағы мемлекеттік саясатты қалыптастыру мен жүзеге асыру мәселелерін талқылады. Еуропадағы қауіпсіздік және ынтымақтастық ұйымының (ЕҚЫҰ) Аз ұлттар істері жөніндегі жоғарғы комиссары Ламберто Заньер Жоғарғы комиссар Кеңсесі мен Қазақстан халқы Ассамблеясының ағымдағы жұмыстары және ынтымақтастықтың келешегі туралы хабардар етті. Қасым-Жомарт Тоқаев 2 қыркүйек күні Қазақстан халқына арнаған Жолдауында белгіленген қоғамның саяси трансформациясы бойынша міндеттердің негізінде Ұлттық қоғамдық сенім кеңесі іске кіріскеніне назар аударды. Әңгіме барысында мемлекеттің қоғамдық дамуына жас азаматтарды көптеп тартуға, олардың белсенділігін арттыруға бағытталған жастар саясатының жаңа қағидаттарына ерекше мән берілді. Ламберто Заньер мемлекеттің ұлт бірлігін нығайту және әр түрлі этностық топтардың тілдерін дамытуға жасалған жағдайды, этносаралық және дінаралық келісімнің қазақстандық моделін жоғары бағалады.
Сондай-ақ, Мемлекет басшысы мен Жоғарғы комиссар ЕҚЫҰ жауапкершілік аймағындағы этносаралық қатынастар бойынша қазіргі жағдай туралы пікір алмасты.
