Ерлан Тұрғымбаев ҚР Ішкі істер министрі болып тағайындалды

Мемлекет басшысының Жарлығымен Тұрғымбаев Ерлан Заманбекұлы ҚР Ішкі істер министрі болып тағайындалды, деп жазды Ақорданың твиттердегі парақшасы. Полиция генерал-майоры Тұрғымбаев Ерлан Заманбекұлы 1962 жылы 14 тамызда Алматы қаласында дүниеге келген. Білімі бойынша - заңгер, ішкі істер органдарындағы қызметін 1984 жылы бастаған. 2006 жылдың мамыры мен 2006 жылдың шілдесі аралығында - Қазақстан Республикасы ІІМ Тергеу комитетінің бастығы. 2006 жылдың шілдесі мен 2012 жылдың желтоқсаны аралығында - Алматы қаласы Ішкі істер департаментінің бастығы. 2012 жылдың желтоқсаннан бастап- Қазақстан Республикасы Ішкі істер министрінің орынбасары болған. ІІ дәрежелі «Айбын» орденімен, І дәрежелі «Қайсар» белгісімен, II дәрежелі «Даңқ» орденімен, сондай-ақ ІІМ-нің және ІІД-нің құрмет грамоталарымен марапатталған.