Мемлекет басшысы  алдағы 3 жылдық бюджетті бекітті

Елбасы  «2019-2021 жылдарға арналған республикалық бюджет туралы» Қазақстан Республикасының Заңына қол қойды, деп хабарлайды  Ақорданың баспасөз қызметі. Сондай-ақ Елбасы Ұлттық қордан бюджетке 2019-2021 жылдарға арналған қаражат трансферті туралы заңға қол қойды. Мемлекет басшысы Ұлттық қордан республикалық бюджетке кепілдік берілген трансферттің өлшемдері бекітілетін «Қазақстан Республикасының Ұлттық қорынан 2019-2021 жылдарға арналған кепілдендірілген трансферт туралы» Қазақстан Республикасының Заңына қол қойды. Заңдардың мәтіні баспасөзде жарияланады.