Таразда көлікті экстремалды жүргізуден жарыс өтті
Таразда көлікті экстремалды жүргізуден жарыс өтті
Таразда алғаш рет көлікті экстремалды жүргізуден жарыс өтті, деп хабарлайды Хабар 24.
Мұндай шоуды көруге 3 мыңға жуық қала тұрғыны жиналды. Еліміздің Қонституцияcы күніне орайластырылған іс-шара автокөлік көрмесінен басталды. Бұл жерге көне көліктер де қойылған. Қатысушылардың түрлі маневрдағы іс-әрекеттері көпшілікті таңдай қақтырды.
«Мына жақта керемет машиналар өздерінің өнерлерін көрсетті. Қаншама халық жүр мына жерде, солардың бәрі өздерін осындай автокөлікті сүйетіндіктерін көрсетуде», – деді қала тұрғыны Нұржан Нұрмахан.
