Jañalıqtar

Qarttarım aman-sau jürşi

Qazan ayında Qarttar küni jalğasın tabuda. Osınday is-şaranıñ biri tayauda Almatıdağı №14 kitaphanada bolıp ötti. Bostandıq audanınıñ keñesindegi  Sport komissiyasınıñ törağası Seyitov Qabibolla Seyitwlınıñ jäne «Dos-3» KSK (twrğın üy komiteti) wjımınıñ wyımdastıruımen Qarttar künine arnalğan  basqosu boldı. Jinalğan qarttar özara şahmat, doybı oyınınan jarıs ötkizdi. Sonımen birge ömirinde bolğan qızıqtı sätterimen bölisip, bir marqayıp, köñilderi köterilip  qaldı. Osı kezde  qart atalarımız şüyirkelesip otırğan apalarımızğa: «Qızdar, keliñder, doybı oynayıq», – dep qolqa salğanın estip, bärimiz külip aldıq. Jarıs soñında şahmat, doybı oyınınıñ jeñimpazdarı anıqtaldı.  İ orındı Seyitov K.S., İİ orındı Bazarbaev K.B., İİİ orındı  Solov'ev S.D. ielendi. Doybı jarısınan äyelderden İ orındı Strelkova S.A., İİ orındı Saraeva T.M., İİİ orındı Gur'eva V.M. aldı. «Dos-3» KSK tarapınan arnayı dayındalğan sıylıqtar tapsırıldı.

Közi qartaysa da, jürekteri qartaymağan qarttarımızdıñ belsendiligin körip quanıp qaldıq.

«Qartı bar eldiñ qazınası bar» demekşi, elimizdiñ eldigin nığaytqan osınday qarttarımızdı qadirleu – bolaşaq wrpaq, bizdiñ enşimizde.

G.Qwttıbaeva, A.Saparbaeva 

äl-Farabi atındağı QazWU-diñ studentteri 

Back to top button