Jañalıqtar

JASTAR TEATRI – SIR ÖÑİRİNDE

Sır eline Ğ.Müsirepov atındağı qazaq memlekettik akademiyalıq balalar men jasöspirimder teatrı gastrol'dik saparmen keldi.

Almatınıñ öner maytalmandarınıñ bwl saparına Qızılorda oblıstıq mädeniet basqarmasınıñ basşısı Erjan Äbdirahmanov tabıs tilep, önerdegi baylanıstıñ mwnan äri de bekemdey tüserine sättilik bildirdi. Öz kezeginde teatrdıñ körkemdik jetekşisi äri direktorı, Qazaqstannıñ halıq ärtisi, professor Talğat Temenov bwl saparğa qoldau körsetken oblıs basşısına rizaşılığın jetkizdi.

N.Bekejanov atındağı oblıstıq qazaq muzıkalıq drama teatrında aldımen «Ay-Qaragöz» tragediyası qoyıldı. Spektakl'diñ jaña nwsqasın jasağan qoyuşı-rejisser Talğat Temenov. Mwhtar Äuezovtiñ şığarması boyınşa sahnalanğan qoyılım salt-dästür, ädet-ğwrıptı şınayı beynelegen. Mwnda qos ğaşıqtıñ qatal tağdırı aqır soñında tragediyamen tüyindeledi.

Bas keyipkerdi oynağan halıqaralıq teatr festivaliniñ laureatı Aida Jantileuova. Al Sırım batır rölinde jas ärtis Darhan Süleymenov. Sonday-aq, Qaragözdiñ küyeui Narşanı oynağan Qazaqstan Jastar odağı sıylığınıñ laureatı Mwhitdin Şıntaev, Nayman men Arğın atalıqtarın auzına qaratqan Mörjan bäybişe rölindegi QR eñbek siñirgen ärtisi, Memlekettik sıylıqtıñ laureatı Güljamal Qazaqbaeva jäne Toysarı rölindegi QR eñbek siñirgen ärtisi Kädirbek Demesinov sekildi sahna sañlaqtarınıñ öneri körermen qauımdı ruhani bir serpiltip tastadı. 

Back to top button