Әлидің арманы орындалды

Дүниеге келгенде аяғы болмаған Әли аты аңызға айналған футболшы Диего Марадонамен кездесті. Олардың кездесуі түсірілген видео спортшының Instagram парақшасында жарияланды, деп хабарлайды Вaq.kz ақпарат агенттігі. Әли футболмен шұғылданады. Спорттың бұл түрімен байланысты бағдарламаларды үзбей қарайды. Ол Диего Марадонаға онымен кездесуді армандайтыны туралы айтып, видео жолдаған. Жақында Әлидің арманы орындалды – Марадонамен футбол ойнады. Танымал футболшы қақпаға доп теуіп, Әли қорғанды. Сонымен қатар, аргентиналық спортшы оған сыйлық берді. Марадона өзінің Instagram парақшасына «Gracias, Әли» деп жазды. Әли де өзінің Instagram желісіндегі парақшасына футболшымен кездескен сәттерінен видео жүктеп, әсерімен бөлісті. https://instagram.com/p/BiAVZUyhqHB/?utm_source=ig_embed