جەردIڭ يەسI شەنەۋنIك ەمەس…

الماتى قالاسىنداعى تاۋ بوكتەرiندەگi زاڭسىز سالىنعان ۇيلەردiڭ قۇرىلىس جۇمىستارىنا بايلانىستى ۇكiمەتتiك كوميسسيانىڭ قۇرىلعاندىعىنان بارشا قاۋىم قۇلاعدار ەكەنi راس. ۇكiمەتتiك كوميسسيانىڭ قۇرىلۋىنا ەلباسى نۇرسۇلتان نازارباەۆتىڭ دا تiكەلەي سەبەپكەر بولعانى بەلگiلi. تابيعاتتىڭ سۇلۋ جاراتىلىسى سانالاتىن كورiكتi مەكەندەردەگi قاپتاعان قۇرىلىستاردىڭ كۇننەن-كۇنگە سانى ارتىپ بارا جاتقانى پرەزيدەنتتi دە الاڭداتقان بولار. ۇكiمەتتiك كوميسسيانىڭ قانداي شەشiم شىعاراتىنى دا ەلدi ەلەڭدەتiپ جۇرگەنi ايقىن ەدi.

كورiكتi الماتىنىڭ ماڭىنداعى تاۋ بوكتەرiندەگi ۇلكەن جانە كiشi الماتى وزەندەرi، سونداي-اق، بوكەنباي، مەدەۋ جانە الما-اراسان اڭعارلارىنداعى بiرiنەن-بiرi اساتىن ءزاۋلiم سارايلار كوزدiڭ جاۋىن الىپ، جاقۇت تاستارمەن اشەكەيلەنگەندەي كورiنەتiن. الگi سۇلەيمەن پاتشانىڭ سارايلارىنان كەم تۇسپەيتiن كەرiم ۇيلەردiڭ iشiندە كiمدەر تۇراتىنى دا بiزدi قىزىقتىراتىن. ونداي ءزاۋلiم سارايلاردىڭ iشiنە كiرمەك تۇگiلi، اينالاسىنا بارۋدىڭ ءوزi مۇڭ ەدi بiزگە… كوكپەن تالاسقان الاتاۋدىڭ بوكتەرiندە تاۋمەن جاعالاسا، جارماسا سالىنىپ جاتقان ۇيلەردiڭ يەلەرi كiمدەر ەكەن دەگەن وي دا بiر ءسات ەسكە تۇسەتiن. ايتسە دە، ءاي، كوركەم الاتاۋ سەنiڭ سۇلۋلىعىڭدى مىنا عاجايىپ ۇيلەر باسىپ قالادى-اۋ، تاڭ بوزىنان ارايلاپ اتقان تاڭمەن سەنiڭ اسەم جاراتىلىسىڭا قىزىقتاپ قاراۋعا دا مۇمكiندiك تۋمايتىن بولدى-اۋ، دەگەن iشتەي وكiنiش تە جوق ەمەس ەدi.

سول ساتتەردە بiزدiڭ قىزىعا دا، قىزعانا دا قاراپ جۇرگەن ۇيلەرiمiزدiڭ تۇبiندە بiر شيكiلiك بارىن سەزبەگەن ەكەنبiز. سويتسەك، ءزاۋلiم سارايلار دا، جاقۇت تاستارمەن ورiلگەندەي قورشاۋلارى بار سۇلۋ عيماراتتار دا، زاڭسىز كورiنەدi. ولاردىڭ زاڭسىز ەكەندiگi ەلباسى نۇرسۇلتان نازارباەۆ ارنايى تاپسىرما بەرiپ، ۇكiمەتتiك كوميسسيا قۇرماعانىندا ەشكiمنiڭ دە قاپەرiنە كiرمەس ەدi-اۋ. ەندi مiنە، ەلدi ەلەڭدەتiپ، كوپتiڭ كوڭiلiندە جۇرگەن تۇيتكiلدiڭ دە ءتۇيiنi جازىلدى.

تابيعي ايماقتاردا سوڭعى ناقتىلانعان دەرەكتەرگە سۇيەنسەك، 577 جەر تەلiمi تiركەلگەن ەكەن. ونىڭ 23-i شىمبۇلاق پەن تۇيىقسۋدا، ياعني مەدەۋ شاتقالىندا ورنالاسسا، 92-سi بوكەنباي اڭعارلارىندا، قالعان 254-i الما-اراساننىڭ ماڭايىندا سالىنعان ەكەن. ەلباسىنىڭ تاپسىرماسىمەن قۇرىلعان ۇكiمەتتiك كوميسسيا شىعارعان شەشiمدi پرەمەر-مينيستر كارiم ءماسiموۆ مىرزا جاريا ەتتi. پرەمەر-مينيستردiڭ سوزiنە قاراعاندا، تابيعي ايماقتاردا زاڭسىز ءۇي سالىنۋعا جول بەرگەندەردiڭ بiرi — الماتى قالاسىنىڭ بۇرىنعى اكiمi، بۇگiنگi قر توتەنشە جاعدايلار جونiندەگi مينيستر حراپۋنوۆ مىرزانىڭ اتى اتالىپ قالدى. «بۇرىنعى اكiم رەتiندە زاڭسىز شەشiم شىعارۋعا سەبەپكەر بولعانىڭىز ءۇشiن بۇدان كەيiن ۇكiمەت قۇرامىندا بiرگە جۇمىس iستەي المايمىز. مەملەكەت باسشىسىنا سiزدi قىزمەتiڭiزدەن بوساتۋ جونiندە ۇسىنىس جاساماقپىن»، — دەپ قاداپ ايتتى پرەمەر-مينيستر.

سونداي-اق، زاڭسىز جەر تەلiمدەرiن بەرگەندەردiڭ قاتارىندا، جەر رەسۋرستارىن باسقارۋ اگەنتتiگiنiڭ توراعاسى باقىت وسپانوۆتىڭ، الماتى قالاسىنىڭ اكiمنiڭ ورىنباسارلارى قايرات بوكەنوۆ پەن ياكوۆ زاياتستىڭ دا ەسiمدەرi اتالىپ قالدى. جەر تەلiمدەرiن بەرۋدi بۇگiنگە دەيiن قاداعالاپ كەلگەن ياكوۆ زاياتس مىرزانىڭ جەر تەلiمiن زاڭسىز بەرۋدە قاتىسى بولماۋى مۇمكiن ەمەستiگiن دە تiلگە تيەك ەتتi پرەمەر-مينيستر مىرزا. سونداي-اق، كارiم ءماسiموۆ: «قالا اكiمiنiڭ ورىنباسارى قايرات بوكەنوۆتiڭ دە جەر تەلiمدەرiنە زاڭسىز شەشiم شىعارۋعا قاتىسى بولعانى بەلگiلi. سوندىقتان، ونى دا بۇگiنگi اتقارىپ جۇرگەن قىزمەتiنەن بوساتۋ جونiندە تاپسىرما بەرەمiن»، — دەپ باسا ايتىپ كورسەتتi. سونىمەن قاتار، اتى اتالعان ەسiمدەردiڭ قاتارىندا الماتى وبلىسى اكiمiنiڭ ورىنباسارى ءاليحان تويباەۆتىڭ، الماتى وبلىسى تالعار اۋدانىنىڭ اكiمi كەنجەبەك ومارباەۆ جانە تالعار اۋدانى اكiمiنiڭ ورىنباسارى قاليموللا بايبولوۆ، الماتى وبلىسى قاراساي اۋدانىنىڭ اكiمi بولاتبەك قۇتپانوۆ تا بار.

سونداي-اق، اتالمىش جەرلەردi يەمدەنiپ، ءۇي سالىپ العانداردىڭ دا ماسەلەسi جۋىق ارادا شەشiلۋi مۇمكiن. ۇكiمەت باسشىسىنىڭ قالا اكiمi يمانعالي تاسماعامبەتوۆكە بەرگەن ارنايى تاپسىرماسى وسىعان نەگiزدەلدi. مەملەكەتتiڭ مەنشiگi سانالاتىن جەرلەر مەملەكەتكە قايتارىلۋى تيiس. «يمانعالي نۇرعالي ۇلى، شىمبۇلاق پەن مەدەۋ ماڭايىنداعى ۇيلەردiڭ ماسەلەسiن سiزگە ارنايى تاپسىرعالى وتىرمىن. ولار ءوز ەرiكتەرiمەن جەر تەلiمدەرiن مەملەكەتتiڭ مەنشiگiنە قايتارۋى تيiس. ازiرشە، جولداستىق كەلiسiم جاساۋ قاجەت. ەگەر وعان كەلiسپەسە، ولارمەن باسقاشا سويلەسەمiز»، — دەگەندi دە ەسكەرتە كەتتi پرەمەر-مينيستر.

وسى ماسەلەگە وراي، باس پروكۋراتۋرا جۋرناليستەرمەن ارنايى بريفينگ وتكiزدi. بريفينگ كەزiندە باس پروكۋراتۋرانىڭ رەسمي وكiلi ساپاربەك نۇرپەيiسوۆ: «ولاردى شارتتى تۇردە ەكiگە ءبولiپ قاراستىرۋعا بولادى. بiرiنشiسi — جەر تەلiمدەرiن بەرۋگە، سۋ پايدالانۋعا، ايرىقشا قورعالاتىن تابيعات اۋماقتارى تۋرالى زاڭنامانى بۇزۋعا بايلانىستى دەرەكتەر مەن جەردi وزدiگiمەن الۋ، ماقساتسىز پايدالانۋ سەكiلدi زاڭ بۇزۋشىلىقتاردان تۇرسا، ەكiنشiسiنە ساۋلەت جانە قالا قۇرىلىسى سالاسىنداعى تالاپتاردى بۇزۋعا بايلانىستى فاكتiلەر توپتاستىرىلعان»، — دەدi.

ازiرگە اتى اتالعان مىرزالاردىڭ قىزمەتتەن كەتۋ قاۋپi تۋعانىمەن، زاڭدى تۇردە جارلىق شىعا قويعان جوق. بiراق، زاڭسىز شەشiم شىعارعاندار زاڭ الدىندا جاۋاپ بەرۋگە قۇقىلى. ويتكەنi، تابيعات جەكە ادامنىڭ مەنشiگi ەمەس. مينيستر دە، اكiم دە، شەندi-شەكپەن كيگەن شەنەۋنiگiڭ دە حالىقتان ۇلكەن ەمەس. حالىقتىڭ يگiلiگi سانالاتىن تابيعاتتىڭ كوركەمدiگiن بۇلدiرۋگە بولمايدى. ەندiگi ماقسات، بۇلدiرگەندi تۇزەتۋ عانا.

گۇلزينا بەكتاسوۆا

ۇقساس جاڭالىقتار

Back to top button