Биыл Қазақстан туберкулезге қарсы күресуге 42 млрд теңге бөлді

Қазақстан 2018 жылы туберкулезге қарсы күресуге 42 млрд теңге бөлді.  «Қазақстанда дәрігер көмегіне жүгінетіндердің 70%-ы ауруханаға жатудан басқа амалы қалмағанда келеді. Бірақ оның алдын алуға болады ғой. Туберкулезді медициналық профилактика жасаудың негізі - үнемі тексерілу. Әрбір қазақстандық тегін қаралады, өйткені оларға кепілдендірілген тегін медициналық көмек көрсетіледі», - дейді Медициналық сақтандыру қоры Астана филиалының директоры Нұрлыбек Қабдықапаров. Әлеуметтік медициналық сақтандыру қоры дер кезінде тексеруден өтіп отыруға шақырады. Тегін медициналық қызметтер адам өмірінің түрлі кезеңдерінде көрсетіледі. Мәселен, жаңа туған сәбиге туберкулезге қарсы вакцина (БЦЖ) егіледі. Кейін 7 жасында және 14 жасқа толғанда екпе қайта егіледі. Жыл сайын ересектер арасында флюорографиялық скрининг жүргізіледі. Биыл туберкулезден зардап шегетін тұрғындарды емдеу, диагностикалау және оларға әлеуметтік көмек көрсету үшін мемлекет бюджетінен 42 млрд теңге қаражат бөлінді. Қордың берген мәліметіне сүйенсек, 10 жылда елордада туберкулезбен ауыру көрсеткіші 4 есе, ал одан қайтыс болу көрсеткіші 6,8 есе азайған. 2017 жылдың басында Астанада туберкулездің белсенді формасы анықталған 931 адам диспансерлік есепте тұрса, былтыр елорданың 540 тұрғыны туберкулезбен ауырған.

Серіктес жаңалықтары