تمد ەلدەرىنىڭ ۇكىمەت باسشىلارى تاشكەنتتە كەزدەسەدى

تمد ەلدەرىنىڭ ۇكىمەت باسشىلارى تاشكەنتتە كەزدەسەدى. بۇگىن، 2 قاراشادا تاشكەنتتە تمد ەلدەرى ۇكىمەت باسشىلارى كەزدەسەدى. ۇكىمەت باسشىلارىنىڭ جينالىسى 3 قاراشادا وتەدى.

وزبەكستان اقپارات قۇرالدارىنىڭ حابارلاۋىنشا، تاشكەنت العاش رەت ۇكىمەت باسشىلارىن قابىلدايدى. كەزدەسۋگە ارمەنيا، بەلارۋس، قازاقستان، قىرعىزستان، وزبەكستان، رەسەي، تاجىكستان پرەمەرلەرى جانە تمد اتقارۋشى كوميتەتىنىڭ باسشىسى سەرگەي لەبەدەۆ قاتىسادى.

وزبەكستان پرەزيدەنتى شاۆكات ميرزياەۆ سامميتكە قاتىسۋشىلاردى قابىلدايدى دەپ جوسپارلانعان.

فورۋمنىڭ كۇن تارتىبىندە 18 قۇجات تالقىلانادى. ولار ۇيىم ەلدەرى قارىم-قاتىناسىن دامىتۋعا ارنالعان.

سامميت اياسىندا جەكەلەگەن كەزدەسۋلەر دە وتەدى. قازاقستان مەن قىرعىزستان پرەمەرلەرىنىڭ شەكاراداعى جاعدايعا قاتىستى كەزدەسۋ-كەزدەسپەۋى تۋرالى مالىمەت جوق.

ۇقساس جاڭالىقتار

Back to top button