ەۋروپادا تەگىن Wi-Fi تەرمينالدارى سالىنادى

ەۋروپالىق وداق (ەو) «wifi4eu» باعدارلاماسى اياسىندا تەرريتورياعا تەگىن Wi-Fi نۇكتەلەرىن قۇرۋعا 120 ميلليون ەۋرو ينۆەستيتسيا جۇمسايدى.

ەۋروپا پارلامەنتىنىڭ سايتىندا حابارلانعانداي، باعدارلاما حالىق از قونىستانعان اۋدانداردى ينتەرنەتپەن قامتۋ ماقساتىندا قۇرىلعان.

باعدارلاما بويىنشا، تەگىن ينتەرنەت تەرمينالدارى التى-سەگىز مىڭ ەلدى مەكەندە، ونىڭ ىشىندە پاركتەردە، اۋرۋحانالاردا، مەكتەپتەر مەن قوعامدىق كولىكتەردە ورناتىلادى. تەرمينالدار جۇمىسىن مۋنيتسيپاليتەت پەن مەملەكەتتىك مەكەمەلەر قامتاماسىز ەتەدى.

ەو سىمسىز ينتەرنەت تەرمينالدارى 2018 جىلدان جۇمىس ىستەي باستايتىنىن ايتادى.

 

ۇقساس جاڭالىقتار

Back to top button