سولتۇستىك قازاقستاندا قارجى پيراميداسىنىڭ قىزمەتى تەكسەرىلۋدە

سولتۇستىك قازاقستاندا قارجى پيراميداسىنىڭ قىزمەتى تەكسەرىلۋدە. سقو ءىىد تەرگەۋ باسقارماسى قارجى پيراميداسىن قۇرۋ جانە باسقارۋ فاكتىسى بويىنشا سوتقا دەيىنگى تەرگەۋ جۇمىستارىن باستادى، دەپ حابارلايدى «قازاقپارات» حاا ءتىلشىسى پوليتسيا ۆەدومستۆوسىنىڭ ءباسپاسوز قىزمەتىنە سىلتەمە جاساپ. 

قىلمىستىق ءىس اياسىندا ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى مەن ءىىد تەرگەۋشىلەرى پەتروپاۆلدا وسى جىلدىڭ قاڭتار ايىنان باستاپ جۇمىس ىستەپ كەلە جاتقان كومپانيانىڭ قىزمەتى تۋرالى بارلىق ءمان-جايدى انىقتايدى. «كومپانيا كليەنتتەرگە ايىنا سالىنعان سومانىڭ 17-دەن 26 پروتسەنتىنە دەيىن تابىس قاراستىراتىن بىرنەشە پاكەت ۇسىنعان. ءوز كەزەگىندە، سالىمشىلار قارجىلارىن سالۋعا دايىن باسقا دا قاتىسۋشىلاردى الىپ كەلۋگە مىندەتتەلگەن. ولاردىڭ ارتىنان تىركەلگەن ادامدار سانىنا بايلانىستى قوسىمشا بونۋستار بەرىلىپ وتىرعان»، – دەدى سقو ءىىد ءباسپاسوز قىزمەتى. كەلىسىمشارتقا سايكەس، كومپانيا سالىنعان قارجىنى سالىمشىلارعا كەز كەلگەن ۋاقىتتا بەرۋى ءتيىس بولعان. الايدا، سولتۇستىكقازاقستاندىقتار اقشالارىن وسى كۇنگە دەيىن الا الماي ءجۇر. «كومپانيا ءوز قىزمەتىنىڭ زاڭدى ەكەندىگىن سكانەرلەنگەن قۇجاتتارمەن دالەلدەدى. كاسىپكەرلىك قىزمەتكە قولدانىلمايتىن جەكە تۇلعالاردان قارجى الۋ، زاتتاي قىزمەتتىڭ بولماۋى جانە سوڭىنان ادامداردى ەرتىپ پايدا تابۋ – قارجى پيراميداسىنىڭ بەلگىلەرى. مۇنىڭ ءبارىن ءجىتى تەكسەرۋ كەرەك»، – دەپ اتاپ ءوتتى سقو ءىىد ۇيىمداسقان قىلمىسقا قارسى كۇرەس باسقارماسىنىڭ باستىعى، پوليتسيا پودپولكوۆنيگى ءاليحان بايقاداموۆ. كومپانياعا 50 ازاماتتىڭ قارجى سالعانى انىقتالدى. پوليتسيا ونىڭ تولىق ءتىزىم ەمەستىگىن العا تارتىپ، بارلىق سالىمشىلاردىڭ بايلانىسقا شىعۋىن سۇرايدى.

ۇقساس جاڭالىقتار

Back to top button