Алматыда 61 жастағы тұрғынның өліміне қатысты төрт күдікті ұсталды. Алдын ала мәлімет бойынша, ер адамның басына қап кигізіп, оны өз үйінен алып кеткен, деп хабарлайды turkystan.kz.
Тергеу барысында оқиғаның мән-жайы анықталып, күдіктілердің жеке басы белгілі болды. Сондай-ақ олардың марқұмның пәтерін заңсыз иемденуге қатысы болуы мүмкін екені анықталды.
Қазір төрт күдікті де уақытша ұстау изоляторына қамалды. Оқиғаның барлық мән-жайын анықтау үшін қажетті жедел-тергеу шаралары жүргізіліп жатыр.
Қылмыстық істі тергеуге Ішкі істер министрлігінің ең тәжірибелі қызметкерлерінен құралған арнайы тергеу-жедел тобы тартылды.
