Алматы облысы гастролерінің құрбаны екі автобус жолаушысы болды. 15 тамызда Көкшетау қаласының полициясына бір сағат айырмашылықпен қалта ұрлығы фактілері бойынша екі өтініш түсті. Жәбірленушілер қала тұрғындары, олар қоғамдық көлікте жеке заттарының – құжаттары мен банк карталары бар әмиянның жоғалғанын анықтады, деп хабарлайды turkystan.kz.
Бір жағдайда ұрлықтан кейін жәбірленушінің банктік картасынан ақша алынды. Екі жәбірленуші де зейнеткер: 1943 жылы туған ер адам және 1961 жылы туған әйел.
Өтініштер келіп түскеннен кейін полиция қызметкерлері жедел-іздестіру іс-шараларының кешенін өткізуге кірісті. Жүргізілген жұмыс барысында күдіктінің жеке басы анықталды. Қылмыстың беті кезекші тәулік ішінде ашылды. Ол бұрын мүліктік қылмыс үшін сотталған Алматы облысы Талғар ауданының тұрғыны болып шықты.
Қазір тергеу жалғасуда, болған оқиғаның барлық мән-жайлары анықталуда, сондай-ақ күдіктінің басқа да осыған ұқсас фактілерге қатысы бар-жоғы тексерілуде.
Полиция азаматтарды қоғамдық көлікте мұқият болуға шақырады. Әсіресе автобуста адам көп болған кезде, әмиян, телефон және құжаттарды сыртқы киім қалталарында немесе оңай қол жетімді сөмке бөлімшелерінде сақтауға болмайды. Сөмкені алдыңызда ұстаңыз, ал банк карталары мен қолма – қол ақшаны құжаттардан бөлек ұстау ұсынылады.
Егер жоғалған болса, дереу полицияға хабарласып, банк картасын жоғалтқан жағдайда оны банктің мобильді қосымшасы немесе банктің телефоны арқылы дереу бұғаттау қажет. Жедел өтініш полицейлерге қажетті шараларды тезірек қабылдауға және оқиғаның мән-жайын анықтауға мүмкіндік береді.
