Қарағанды қаласында төрт жастағы бала төртінші қабаттағы пәтердің терезесінен құлап кетті, деп хабарлайды turkystan.kz.
ТЖД мәліметінше, оқиға жексенбі күні, 12 сәуірде, Гүлдер-1 шағын ауданында болған. Тоғыз қабатты үйдің төртінші қабатындағы пәтердің терезесінен 2022 жылы туған бала құлаған.
«Сәби ата-анасымен бірге елорда – Астана қаласынан Қарағандыға қонаққа келген. Ата-анасы мен туыстары көрші бөлмеде болған кезде, жалғыз қалған бала терезеден құлап кеткен. Бала ауыр жағдайда, көп жарақатпен ауруханаға жатқызылды», – деп хабарлады ведомство.
Қарағанды облысының ТЖД ата-аналарға ескертеді:
– балаларды ешқашан қараусыз қалдырмаңыздар;
– терезелерге блокираторлар мен құлыптар орнатыңыздар;
– терезе алдына жиһаз қоймаңыздар.
«Ең бастысы: москит торлары баланың салмағын көтермейді! Жақындарыңызды сақтаңыздар», – деп атап өтті ведомство.
