Күлгін түстің табиғатта өзіне тән толқын ұзындығы жоқ. Ол көзге түскен жарықтың емес, миымыздың жұмысының нәтижесінде пайда болады. Бұл туралы нейробиология саласындағы зерттеулерге сүйене отырып, Popular Mechanics жазады, деп хабарлайды turkystan.kz.
Адам көзі электромагниттік сәулеленудің өте аз бөлігін ғана, толқын ұзындығы шамамен 350-750 нанометр аралығындағы жарықты көре алады. Бұл көрінетін спектр деп аталады және кемпірқосақтағы барлық түстерді қамтиды. Әдетте әр түстің өзіне тән нақты толқын ұзындығы бар.
Көздің тор қабығында түстерді ажыратуға жауапты үш түрлі фоторецептор орналасқан. Олардың шамамен 60%-ы қызыл түске сезімтал, 30%-ы жасылға, ал 10%-ы көк түске жауап береді. Түскен жарық осы жасушалар арқылы электрлік сигналға айналып, миға беріледі. Ми сигналдардың арақатынасын талдап, біз қандай түсті көріп тұрғанымызды анықтайды.
Ал күлгін түс спектрдің екі шетінде орналасқан қызыл және көк түстердің сигналдары бір уақытта өңделгенде пайда болады. Бұл түстер бір толқынға жатпайды және көзде бірдей фоторецептор қабылданбайды. Сондықтан ми оларды «біріктіріп», спектрді шартты түрде шеңберге айналдырады.
Сол себепті күлгін түс физикалық тұрғыда бар жеке түс емес, мидың ақпаратты өңдеу нәтижесінде жасайтын визуал әсер.
