Жұмыс іздеген кезде ең алдымен жалақыға емес, ұжым мен атмосфераға мән беру керек. Майкл Блумберг пен Уоррен Баффетт жастарға осындай кеңес айтты, деп хабарлайды turkystan.kz fortune.com-ға сілтеме жасап.
Олардың айтуынша, мансаптың бастапқы кезеңінде басты мақсат – мүмкіндігінше көп тәжірибе жинау, адамдармен байланыс орнату мен өзіңді әртүрлі ортада сынап көру. «Ақша табу – адамның өмірдегі жалғыз мақсаты емес. Маңыздысы – кіммен бірге жұмыс істейтінің, не үйренетінің және қандай жол саған шынымен сәйкес келетінін түсіну», – дейді Bloomberg негізін қалаушы Майкл Блумберг.
Блумбергтің өзі мансабын 1960-жылдары Уолл-стриттегі Salomon Brothers инвестициялық банкінде бастаған. Ол кезде оның жылдық жалақысы 11 500 доллар ғана болған. Қазіргі бағамен бұл шамамен 114 мың доллар болса да, ол одан жоғары жалақы ұсынған басқа компаниядан бас тартқан. Себебі болашақ миллиардерге ақшадан гөрі жұмыс істейтін адамдар мен орта маңыздырақ көрінген.
Тіпті алғашқы ұсыныс одан да төмен – 9 мың доллар болған. Блумберг келіссөз жүргізіп, жалақыны 11 500 долларға дейін көтерген. Кейін бонус пен қарызды кешіру арқылы бұл жұмыс оның кәсіпкерлік жолын бастаған шешуші кезеңге айналды.
Миллиардерлердің ортақ ойы қарапайым: мансапты бастаған кездегі «дұрыс адамдар мен дұрыс орта» ұзақ мерзімдегі табыстан әлдеқайда құнды. Ал ақша соның артынан өзі келеді.
