Жаңа жыл классикасына айналған "Үйде жалғыз қалғанда" фильміндегі басты сұрақтың бірі "Кевинді үйде қалайша ұмытып кетті?" деген сұрақ. Физик ғалым бұл эпизодқа ғылыми тұрғыдан қарап зерттеген, нәтижесі күтпегендей шықты, деп хабарлайды turkystan.kz.
Зерттеуге сүйенсек, фильмдегі төрт ересек адамның бір уақытта, оятқышсыз таңғы сегізге дейін ұйықтап қалу ықтималдығы небәрі 0,13% ғана. Яғни шамамен әр 750 демалыстың бірінде ғана осындай жағдай болуы мүмкін. Басқаша айтқанда, мұндай «кездейсоқтық» тым сирек.
Ғалымның пайымдауынша, бұл сандар сценарийдегі оқиғаны таза сәттілікпен түсіндіруді қиындатады. Сондықтан Кевиннің үйде қалуы ықтималдық тұрғысынан алғанда, абайсыздық емес, әдейі жасалған әрекетке көбірек ұқсайды.
Әрине, бұл киноға ғылыми көзбен жасалған ойын-талдау ғана. Бірақ ол бір нәрсені анық көрсетеді: көрерменге қарапайым болып көрінетін сюжеттердің өзінде статистика мен ықтималдық заңдары жасырын жұмыс істеп жатады.
