Тұрсынбек Қабатовтың екінші жұбайы әлеуметтік желідегі парақшасында өз атына қатысты тараған ақпаратқа түсінік берді, деп хабарлайды turkystan.kz.
Айтуынша, TikTok-та оның атынан ашылған парақшалар мен түрлі жазбалар шындыққа жанаспайды.
"TikTok деген әлемде мен отырмаймын, қолданбаймын. Менің атымнан жазылған неше түрлі өтірік сөздерге сенбеңіздер. Мақсаттары — әдейі намысқа тиетін сөздер жазып, елдің назарын аудару және комментарий жинау. Адвокаттар бұл мәселеге қатысты жұмысты аяқтап қалды. Көзі ашық, көкірегі ояу 21 ғасырда өмір сүріп жатқан жандарым, жасанды интеллектіні ажырата алатын шығарсыздар? Не болса соған сене берудің қажеті жоқ", — деді ол.
