Қанат Айтбаев Димаш Құдайбергеннің концерттерінде қарындасы Раушан мен інісі Әбілмансұрдың қолдауы орасан екенін айтты, деп хабарлайды turkystan.kz.
«Жалпы, мен үйде балаларыма: «Сендерде 50 пайыз әкенің, 50 пайыз шешенің қаны бар. Ал сендер 100 пайыз туыссыңдар. Бір-біріңнен артық адам жоқ» деп үнемі айтып отырамын. Бірнеше тілді еркін білетін Раушан концерт кезінде суфлерлік басқаруды қолына алады. Бұл – әр тілді команда үшін өте маңызды дүние. Қай жерде кішкентай кілтипан болса, ол дереу жеткізеді. Ал Әбілмансұр ең алғаш сахнаға Димаштың Алматыдағы концертінде шыққан бала. Қазір өз туындыларын көрерменге ұсына бастады. Димаш кәсіпқой музыкант ретінде оның өнерін өте жоғары бағалайды: «Мен оның жасында музыканы дәл ол секілді терең түсініп, аспаптарда дәл ол секілді ойнай алмайтынмын» дейді. Онысын Мехикодағы концертте де айтты. Қазір Мансұр ағасы киім ауыстырғанда сахнаға шығып, көрерменнің ықыласына бөленіп жүр», – деді ол.
Тіпті Димаш концерттерінде інісі секілді аспаптарда шебер ойнай алмайтынын айтып жүреді екен.
«Димаш кәсіпқой музыкант ретінде оның өнерін өте жоғары бағалайды: «Мен оның жасында музыканы дәл ол секілді терең түсініп, аспаптарда дәл ол секілді ойнай алмайтынмын» дейді. Онысын Мехикодағы концертте де айтты. Қазір Мансұр ағасы киім ауыстырғанда сахнаға шығып, көрерменнің ықыласына бөленіп жүр», – деді Қ. Айтбаев.
Еске сала кетейік, бұған дейін Қанат Айтбаев «Túrkistan» халықаралық газетіне көлемді сұхбат берген болатын.
