«Қазгидромет» қараша – наурыз айларына арналған консультативтік маусымдық ауа райы болжамын жариялады, деп хабарлайды turkystan.kz.
Қараша айында Қазақстанның басым бөлігінде жауын-шашын көбінесе қар түрінде түседі, ал оңтүстік пен оңтүстік-батыста — жаңбыр аралас қар күтіледі. Солтүстік, орталық және шығыс өңірлерде екпінді жел, боран, көктайғақ пен тұман жиі болуы ықтимал.
Ай бойы ауа температурасы мынадай аралықта құбылады:
Солтүстік, орталық және шығыс өңірлерде: түнде +5...–20°С, күндіз +10...–15°С;
Оңтүстік пен оңтүстік-батыста: түнде –3...+7°С, күндіз +1...+18°С.
Қарашада ауа температурасы еліміздің барлық аумағында климаттық нормадан шамамен 1°С жоғары болады деп күтілуде. Жауын-шашын мөлшері — көп өңірде нормаға жуық, батыс пен солтүстік-шығыста сәл көп болады.
Қыс жұмсақ әрі салыстырмалы түрде жылы болады деп болжануда. Жауын-шашын мөлшері климаттық норма шегінде сақталады. Кейбір кезеңдерде қатты қар жаууы, боран, екпінді жел, көктайғақ пен тұман болуы мүмкін.
Желтоқсан
Температура: елдің басым бөлігінде — норма шамасында, солтүстік-батыста — нормадан 1°С жоғары, солтүстік-шығыстың шеткі бөлігінде — 1°С төмен.
Жауын-шашын мөлшері:
Нормаға жуық — республиканың басым бөлігінде;
Нормаға қарағанда аз — орталықта, шығыстың басым бөлігінде, солтүстік өңірдің оңтүстік жартысында және оңтүстіктің солтүстік шетінде.
Қаңтар
Температура: көп өңірде — норма шамасында, шығыста — нормадан 1°С төмен.
Жауын-шашын мөлшері:
Нормаға жуық — елдің басым бөлігінде;
Нормадан көп — оңтүстік пен оңтүстік-шығыстың таулы және тау бөктеріндегі аудандарында.
Ақпан
Температура: еліміздің барлық аумағында нормадан 1–2°С жоғары.
Жауын-шашын мөлшері — климаттық норма шегінде.
Наурыз
Температура: бүкіл ел бойынша нормадан 1°С жоғары.
Жауын-шашын мөлшері:
Нормаға жуық — елдің басым бөлігінде;
Нормадан көп — оңтүстік пен оңтүстік-шығыстың таулы және тау бөктеріндегі аудандарда;
Нормадан аз — батыстың басым бөлігінде.
