Apple корпорациясы смартфондарының бағасын тағы көтереді. Бұл туралы TrendForce есебінде мәлімдеді, деп хабарлайды turkystan.kz.
Зерттеу компаниясының сарапшылары инсайдерлік ақпарат пен болжамдар негізінде жаңа iPhone 17 желісінің бағасын болжады. Олардың пікірінше, тек бастапқы модель ғана қымбаттамайды. Ол iPhone 16 сияқты 799 доллар болмақ.
Жаңа iPhone 17 Air, ол iPhone 16 Plus моделін алмастырады, кем дегенде 1099 доллар тұрады. iPhone 17 Pro және 17 Pro Max бағасы қазіргі сериямен салыстырғанда 100 долларға қымбаттап, тиісінше 1199 және 1299 доллар болады. Осылайша, Apple смартфондары бренд тарихындағы ең қымбат құрылғыларға айналады.
TrendForce мамандарының болжауынша, iPhone 17 6,2 дюймдік, 120 Гц жиілікті қолдайтын дисплеймен, 8 ГБ жедел жадпен және A19 процессорымен шығады. 17 Air моделі 6,6 дюймдік экран мен 12 ГБ жедел жадқа ие болады. Ал флагмандық 17 Pro және 17 Pro Max сәйкесінше 6,2 және 6,8 дюймдік экранмен және жаңа A19 Pro чипімен жабдықталады. Жаңа құрылғылардың таныстырылымы 9 қыркүйекте өтеді.
Бұған дейін JPMorgan сарапшылары iPhone 17-нің бағасы 799 доллар болатынын, ал iPhone 17 Air кем дегенде 949 доллар тұратынын болжаған еді.
