"Қазгидромет" РМК синоптиктері ертең, 13 шілдеде елдің басым бөлігінде қолайсыз ауа райына байланысты ескерту жасады, деп хабарлайды turkystan.kz.
Қарағанды облысының шығысында найзағай күтіледі. Солтүстік-батыстан, солтүстіктен жел соғады, күндіз облыстың батысында, солтүстігінде екпіні 15–20 м/с. Облыстың солтүстігінде, шығысында жоғары өрт қаупі, облыстың батысында, оңтүстігінде төтенше өрт қаупі сақталады.
Қызылорда облысында жел солтүстіктен соғады, күндіз облыстың шығысында күші 15-20 м/с күтіледі. Күндіз 40 градус қатты ыстық күтіледі. Төтенше өрт қаупі сақталады. Қызылорда қ.: 13 шілдеде төтенше өрт қаупі сақталады.
Ақмола облысының солтүстігінде, оңтүстігінде, орталығында найзағай, бұршақ күтіледі. Сотүстік-батыстан жел соғады, күндіз облыстың солтүстігінде, оңтүстігінде, орталығында 15-20 м/с. Облыстың батысында, оңтүстігінде жоғары өрт қаупі сақталады.
Атырау облысының солтүстігінде, күндіз облыстың солтүстігінде, батысында, оңтүстігінде найзағай күтіледі. Күндіз облыстың солтүстігінде, батысында дауыл күтіледі. Шығыстан солтүстік-батысқа ауысып жел соғады, күндіз облыстың солтүстігінде, батысында 15-20 м/с. Облыс бойынша 35-39 градус қатты ыстық күтіледі. Облыс бойынша жоғары өрт қаупі, облыстың оңтүстігінде төтенше өрт қаупі сақталады. Атырау қ.: 13 шілдеде күндіз найзағай күтіледі. Күндіз 37-39 градус қатты ыстық күтіледі. Төтенше өрт қаупі сақталады.
Маңғыстау облысында 38-40 градус қатты ыстық күтіледі. Облыс бойынша төтенше өрт қаупі сақталады. Ақтау қ.: 13 шілдеде төтенше өрт қаупі сақталады.
Абай облысының солтүстігінде, орталығында кей уақыттарда қатты жаңбыр, найзағай, күндіз облыстың орталығында найзағай, бұршақ, дауыл күтіледі. Оңтүстік-батыстан соғатын жел солтүстік-батысқа, солтүстікке ауысады, облыстың солтүстігінде, орталығында 15-20 м/с. Облыстың солтүстік-батысында, батысында, орталығында жоғары өрт қаупі сақталады, облыстың оңтүстігінде төтенше өрт қаупі сақталады. Семей қ.: 13 шілдеде түнде найзағай күтіледі. Оңтүстік-батыстан соғатын жел солтүстік-батысқа, солтүстікке ауысады, екпіні 15 м/с.
Шығыс Қазақстан облысының солтүстігінде, шығысында кей уақыттарда қатты жаңбыр, найзағай, күндіз бұршақ, дауыл күтіледі. Оңтүстік-шығыстан соғатын жел солтүстік-батысқа, солтүстікке ауысады, облыстың солтүстігінде, шығысында 15-20 м/с. Облыстың оңтүстік-шығысында жоғары өрт қаупі күтіледі. Өскемен қ.: 13 шілдеде найзағай күтіледі. Оңтүстік-шығыстан соғатын жел солтүстік-батысқа, солтүстікке ауысады, екпіні 15 м/с.
Ақтөбе облысының батысы мен оңтүстігінде 15-18 м/с жылдамдықпен солтүстік-батыстан соғатын жел мен солтүстік-батыстан екпіні күтіледі. Күндіз 35-38 градус қатты ыстық күтіледі. Төтенше өрт қаупі облыстың орталығы мен оңтүстігінде, облыстың солтүстігінде, батысында және шығысында жоғары өрт қаупі сақталады. Ақтөбе: 13 шілдеде жоғары өрт қаупі сақталады.
Жетісу облысында 35-38 градус қатты ыстық күтіледі. Облыстың оңтүстігінде жоғары өрт қаупі, облыстың оңтүстік- шығысында төтенше өрт қаупі сақталады. Талдықорған қ.: 13 шілдеде күндіз 35 градус қатты ыстық күтіледі.
Павлодар облысының солтүстігінде найзағай күтіледі. Батыстан жел соғады, күндіз облыстың солтүстігінде екпіні 15-20 м/с күтіледі.
Солтүстік Қазақстан облысының солтүстігінде, шығысында найзағай, күндіз бұршақ күтіледі. Солтүстік-батыстан жел соғады, күндіз облыстың солтүстігінде, шығысында, оңтүстігінде екпіні 15-20 м/с. Петропавл қ.: 13 шілдеде күндіз найзағай, бұршақ күтіледі. Солтүстік-батыстан жел соғады, күндіз екпіні 15-20 м/с.
Алматы облысында онтүстік-шығыстан, шығыстан жел соғады, күндіз облыстың онтүстігінде екпіні 15-20 м/с.
Қостанай облысында солтүстік-батыстан, солтүстіктен жел соғады, күндіз облыстың шығысында, оңтүстігінде екпіні 15-20 м/с күтіледі. Облыстың оңтүстік-батысында төтенше өрт қаупі сақталады. Облыстың шығысында жоғары өрт қаупі сақталады.
Астанада күндіз найзағай күтіледі.
Батыс Қазақстан облысының батысында, оңтүстігінде найзағай, дауыл күтіледі. Жел солтүстік-шығыстан соғады, күндіз облыстың батысында, оңтүстігінде екпіні 15-20 м/с. Күндіз 35 градус қатты ыстық, облыстың батысында, оңтүстігінде 40 градус өте қатты ыстық күтіледі. Жоғары өрт қаупі сакталады.
Жамбыл облысының таулы аудандарында найзағай күтіледі. Солтүстік-шығыстан жел соғады, күндіз облыстың таулы аудандарында 15-20 м/с күтіледі. Облыстың батысында, оңтүстігінде, шығысында төтенше өрт қаупі сақталады. Тараз қ.: 13 шілдеде төтенше өрт қаупі сақталады.
Түркістан облысында 40 градус қатты ыстық күтіледі.
