26-28 маусым аралығында Қазақстан аумағына солтүстік-батыс циклоны жылжиды. Ол жаңбыр, найзағай және екпінді жел әкеледі, деп хабарлады "Қазгидромет" синоптиктері.
Батыста, солтүстік-батыста, шығыста және елдің орталығында қатты нөсер жауын күтіледі, кей жерлерде бұршақ пен дауыл болуы мүмкін.
Күндіз батыста, солтүстікте және шығыста ауа температурасы 18-28 градус жылы болады. Ал оңтүстікте және оңтүстік-шығыста аптап ыстық сақталады – 38 градусқа дейін.
