Стресс пен депрессия арқа ауыруының себебі болуы мүмкін. Бұл психоэмоционалды күйлер бұлшықеттердің босаңсуына қажетті дәрумендер мен минералдардың жетіспеушілігін туындатады, деп хабарлайды turkystan.kz news.ru сайтына сілтеме жасап.
Дәрігердің айтуынша, арқа жайдан-жай ауырмайды. Көп жағдайда бұл жүйке жүйесіндегі ауытқулармен байланысты, ал оған көбіне стресс пен депрессия себеп болады.
– Бұл күйлер кезінде ағзада бұлшықеттерді босаңсытатын пайдалы заттар көп мөлшерде жұмсалады. Егер стресс жойылмаса, бұлшықет кернеуі мен ауырсыну сақталып қана қоймай, күшейе түсуі мүмкін, – деп түсіндірді дәрігер.
Маманның сөзінше, мұндай жағдайда адамның ұйқысы бұзылады, тәбеті төмендейді, дәрумендер мен микроэлементтердің сіңуі нашарлайды. Ағза созылмалы күйзеліске төтеп бере алмай, қорғаныш ресурстарын жоғалтады. Ал бұлшықет тіндері кернеулі күйде қалып, омыртқа мен мойын тұсы ауырады.
