Президент Қасым-Жомарт Тоқаев бірқатар мемлекеттің басшыларымен телефон арқылы сөйлесті. Сондай-ақ президенттің туған күніне орай шет мемлекеттер мен үкіметтер басшыларынан, парламенттер спикерлерінен, халықаралық ұйымдар мен дипломатиялық миссиялар өкілдерінен құттықтаулар мен жеделхаттар келді, деп хабарлайды Ақорда.
Ақорданың хабарлауынша, Қасым-Жомарт Тоқаев Ресей президенті Владимир Путинмен, Түркия президенті Режеп Тайип Ердоғанмен, Өзбекстан президенті Шавкат Мирзиёевпен, Қырғызстан президенті Садыр Жапаровпен, Тәжікстан президенті Эмомали Рахмонмен, Әзербайжан президенті Ильхам Әлиевпен және БАӘ вице-президенті шейх Мансұр бен Заид Әл Нахаянмен телефон арқылы сөйлесті.
Сондай-ақ президент Қасым-Жомарт Тоқаевтың туған күніне орай шет мемлекеттер мен үкіметтер басшыларынан, парламенттер спикерлерінен, халықаралық ұйымдар мен дипломатиялық миссиялар өкілдерінен құттықтаулар мен жеделхаттар келіп жатыр.
"Мемлекет басшысының атына Ресей президенті Владимир Путин, ҚХР төрағасы Си Цзиньпин, Түркия президенті Режеп Тайип Ердоған, Өзбекстан президенті Шавкат Мирзиёев, Қырғызстан президенті Садыр Жапаров, Тәжікстан президенті Эмомали Рахмон, Түрікменстан президенті Сердар Бердімұхамедов, Түрікменстан Халк Маслахатының төрағасы Гурбангулы Бердімұхамедов, Әзербайжан президенті Ильхам Әлиев, Беларусь президенті Александр Лукашенко, Италия президенті Серджо Маттарелла, Молдова президенті Майя Санду, Словакия президенті Петер Пеллегрини, Мажарстан премьер-министрі Виктор Орбан, Армения премьер-Министрі Никол Пашинян, Ресей Федералды Жиналысы Федерация Кеңесінің төрайымы Валентина Матвиенко, Татарстан раисы Рустам Минниханов, ТМД бас хатшысы Сергей Лебедев, Мәскеу және бүкіл Ресей патриархы Кирилл және тағы да басқа тұлғалар құттықтау жеделхатын жолдады. Сонымен қатар еліміздің азаматтары, Қазақстанның көрнекті саяси және қоғам қайраткерлері, зиялы қауым өкілдері жүрекжарды лебіздерін жеткізді", - делінген хабарламада.
Ақорда құттықтау хаттары мен жеделхаттар әлі де келіп түсіп жатқанын мәлім етті.