Шығыс Қазақстан облысының тұрғыны қызбен кездескеннен кейін бас бостандығынан айырылды, деп хабарлайды Polisia.kz.
Өскеменде екі рет электронды бақылауға алынған сотталушы қызбен кездесуге бару үшін таңертең ерте белгіленген геоқоршаудан шығып кеткен.
Пробация қызметкерлері қозғалыс шекарасын – тұрғылықты және жұмыс орнын алдын ала анықтаған.
"Осыған қарамастан ер адам шектеуді қасақана бұзған. Бірінші оқиғадан кейін ол ескерту алды", - деп жазылған хабарламада.
Алайда, бірнеше рет тәртіп бұзу жазаны қатаңдатуға әкелді. Сондықтан сот электронды бақылауды бас бостандығынан айыру жазасына ауыстырды.
