Қазақстандағы ең кішкентай 5 жастағы дирижер Атырауда тұрады, деп хабарлады turkystan.kz.
Бұл туралы Оқу-ағарту министрлігі мәлім етті.
Атырау облысы Исатай ауданынында бүлдіршіндерден құралған оркестр бар. Оркестрдің кішкентай өнерпаздарының ең үлкені 5 жаста, қалғандары 3-4 жасар бүлдіршіндер.
«Құлыншақ» бөбекжай-бақшасының тәрбиеленушісі Ясина Нәбеннің дирижерлік таланты көпшілікті тәнті еткен. Ол оркестрге 3 жасынан бастап қатысып келеді.
«Оның шығарманың екпініне қарай қимыл қозғалысы, көзқарасы кәсіби мамандардан кем емес, музыканы сезінуі таң қалдырады», – дейді музыка жетекшісі Шұға Қайырлиева.
