ChatGPT қолданушылардың «рахметіне» жауап беру үшін $100 миллионға дейін қаражат жұмсайды.
OpenAI компаниясының басшысы Сэм Альтманның айтуынша, ChatGPT нейрожүйесі қолданушылардың қарапайым сыпайы сөздеріне жауап беру үшін де орасан зор есептеулер жүргізеді. Бұл өз кезегінде серверлік қуатты, электр энергиясын және салқындату үшін пайдаланылатын суды қажет етеді.
Альтманның айтуынша, тек осындай «сыпайы» жауаптарды өңдеуге ғана компания жылына $100 миллионға жуық қаражат жұмсайды. «Тіпті бір ғана «рахмет» сөзіне жауап беру — бұл да технологиялық тұрғыда үлкен операция», — деді ол.
Бұл мәлімдеме жасанды интеллектті дамыту мен пайдаланудың экологиялық және экономикалық салдарын қоғамның қайта қарауына түрткі болып отыр.
