Қарағанды аудандық соты Қарағанды пайдалану локомотив депосының тепловоздарынан дизель жанар-жағар майын ұрлап, кейін оны қайта сатқан 11 адамға қатысты үкім шығарды, деп хабарлайды turkystan.kz.
2024 жылдың мамыр айынан маусым айы аралығында қылмыскерлер алдын-ала сөз байласу арқылы, қызметтік жағдайларын пайдалана отырып, заңсыз әрекет жасаған.
Олар жол жүру барысында 22,5 тоннадан астам дизель отынын ұрлап, 7 млн теңгеден астам шығын келтірген.
Сот оларды кінәлі деп танып, бас бостандығын шектеу жазасын тағайындады.
Үкім заңды күшіне енді.
