Әзербайжан елінің Лянкяран қалалық сотында Матлаб Гулиевке (мақалада келтірілген есімдер мен тектер шартты түрде берілген – ред.) қатысты денсаулыққа қасақана ауыр зиян келтіру ісі бойынша тергеу аяқталды, деп хабарлады turkystan.kz.
Үкім судья Айшан Велиева төрағалық еткен сот отырысында жарияланды.
Сот Матлаб Гулиевті 5 жыл 6 айға бас бостандығынан айыру туралы үкім шығарды.
Айыптау қорытындысына сәйкес, оқиға 2024 жылдың 20 қазанында шамамен сағат 18:00-де Астар ауданының Ваго ауылында болған.
Айыпталушының ұлы, жәбірленуші Махир Гулиев, әкесінің рұқсатынсыз олардың үй ауласында бірге отырғызған мандарин ағаштарының жемісін жинап, сатып жіберген. Осыған байланысты әкесі мен баласы арасында жанжал туындаған. Айтыс кезінде ер адам ұлының бетіне жұдырықпен бір соққы жасап, артынан үйден аңшы мылтығын алып, Махирге оқ атқан. Салдарынан ұлы жарақат алған.
Оқиғадан кейін Матлаб Гулиев ұсталып, қамауға алынған.
