Күні кеше танымал тележүргізуші Динара Сәтжан ресми түрде тұрмысқа шыққан болатын, деп жазады turkystan.kz.
Ол енді ерінің тегіне өтпек. Осылайша қайын жұртының атын шығармақ. Ол бұл туралы Әсел Ауылбекованың ютуб-каналына берген сұхбатында айтты.
«Мен мұны Жұмабекпен кездескенге дейін шешкенмін. Мен ұзақ уақыт бойы жалғыз болдым. Өзімнен «Мен неге жалғызбын?» деп сұрадым. Менің бар назарым «Динара Сәтжан» деген брендті дамытуда болыпты. Бірде анама «Тұрмысқа шыққанда күйеуімнің тегін аламын» дедім. Себебі мен Сәтжановтар үшін бәрін істеген сияқтымын. Енді қайын жұртыма барып, сол әулеттің атын шығарамын», - деді ол.
Тележүргізушінің айтуынша өмір тек карьерадан тұрмайды. Әйел адам отбасын құру үшін өз әулетінен кетуі керек.
