Алматы қаласының Есірткі қылмысына қарсы күрес басқармасының қызметкерлері интернет арқылы тыйым салынған заттарды тарату ісімен айналысқан наркокурьерді ұстады, деп хабарлайды turkystan.kz.
Жедел іс-шаралар барысында күдіктіден синтетикалық есірткінің ірі партиясы, сондай-ақ қаптамалар мен электронды таразылар тәркіленді.
Оның қылмыстық қызметі үшін сыйақыны криптовалюта арқылы алғаны анықталды.
Аталған факт бойынша қылмыстық іс қозғалып, сараптамалар тағайындалып, тергеу амалдары жүргізіліп жатыр.
- Синтетикалық есірткілер қоғамға, әсіресе жастарға үлкен қауіп төндіреді. Біз олардың таралуымен күресті одан әрі жалғастырамыз және азаматтарды мұндай оқиғалар туралы дереу хабарлауға шақырамыз. Тек бірлескен күш-жігерімізбен ғана болашағымызды осы қауіптен сақтай аламыз, – деді Алматы қалалық полиция департаментінің есірткі қылмысына қарсы күрес басқармасының бастығы Мұрат Жұмабаев.
