Орал қаласында 28 жастағы жігіт ломбардқа сатып алушы ретінде келіп, ломбард қызметкері алтын алқаны көрсеткен кезде оны жұлып алып, қашып кеткен, деп хабарлайды turkystan.kz.
Ломбард қызметкері полицияға хабарласып, белгісіз ер адамның сатып алушы ретінде кіріп, зергерлік бұйымды алып кеткенін жеткізген. Полиция қызметкерлері ломбардтан алтын алқаны ашық түрде ұрлады деген күдікпен Бәйтерек ауданының 28 жастағы тұрғынын ұстады.
Тергеу барысында оның бұрын қылмыстық жауапкершілікке тартылғаны белгілі болды. Қазіргі уақытта күдіктіге қатысты тонау бабы бойынша қылмыстық іс қозғалды. Ол уақытша ұстау изоляторына қамалды, тергеу амалдары жүргізіліп жатыр.
