Жарқайың ауданында мемлекеттік мекеменің бұрынғы бас бухгалтері өзінің лауазымдық жағдайын пайдаланып, аса ірі мөлшерде ақша ұрлағаны үшін сотталды, деп хабарлайды turkystan.kz.
Жарқайың аудандық сотының үкімімен ол 6 жылға бас бостандығынан айырылды. Жазасын қауіпсіздігі орташа түзету мекемесінде өтейді. Сондай-ақ коммерциялық және басқа ұйымдарда 7 жыл мерзімге материалдық жауапты лауазымдарды атқаруға тыйым салынды.
Сонымен қатар, сот азаматтық талапты қанағаттандырды: сотталғаннан кәсіпорынның пайдасына келтірілген залал 240 млн теңгеден астам өндірілді.
Прокуратура жасаған қылмыстары үшін жазаның сөзсіздігін қамтамасыз ете отырып, мемлекет пен қоғамның мүдделерін қорғау жөніндегі жұмысты жалғастыруда.
