Ол 4 жыл 8 айға сотталды.
Астанада алаяқ жеке кәсіпкердің құжаттарын пайдаланып, Instagram желісінде жиһаз жасаймын деп жарнама беріп, жұртты алдаған, деп хабарлайды turkystan.kz.
Клиенттермен корпустық жиһаз жасауға шарт жасасып, жиһаз жасау бойынша 17 жәбірленушінің ақшасын алып, оларға жалпы сомасы 17 млн теңгеден астам материалдық залал келтірген.
Сот оның жас балалары бар екенін ескеріп, ҚК 190-бабы 3-бөлігінің 4) тармағы бойынша кінәлі деп танып, 4 жыл 8 айға бас бостандығынан айырды.
Жәбірленушілердің материалдық залалды өндіріп алу туралы азаматтық талап-арыздары қанағаттандырылды.
Үкім заңды күшіне енген жоқ.
