235
Әлем кубогі: Гимнасшы Зейнолла Ыдырысов қола жүлде еншіледі
Ол ат снарядындағы жаттығулар финалында сәтті өнер көрсетіп, төрешілердің шешімі бойынша 14,400 ұпай жинады
Қазақстандық гимнасшы Зейнолла Ыдырысов Бакуде (Әзірбайжан) өтіп жатқан Әлем кубогі кезеңінде қола жүлдегер атанды. Бұл туралы Ұлттық олимпиадалық комитет хабарлады.
Ол ат снарядындағы жаттығулар финалында сәтті өнер көрсетіп, төрешілердің шешімі бойынша 14,400 ұпай жинады.
Жеңісті америкалық Брэндон Дэнг (14,633) иеленді. Екінші орынды Патрик Хупс (АҚШ) – 14,533 ұпаймен алды.
Айта кетейік, Қазақстан құрамасының еншісінде қазір үш медаль бар. Бұған дейін Милад Карими (еркін жаттығу) мен Дмитрий Патанин (қоссырықтағы жаттығу) күміс жүлдеге қол жеткізген болатын.
