115
Алматы – Өскемен автожолында 18 көлік апатқа ұшырады
Апатқа тұман себеп болған.
2025 жылғы 15 қаңтар сағат 07:30 шамасында Алматы – Өскемен автожолының 28 шақырымында (Алматы - Қонаев бағыты) 18 автокөліктің қатысуымен жол-көлік оқиғасы орын алды. Авария қалың тұман кезінде болған, деп хабарлайды turkystan.kz.
Алдын-ала мәлімет бойынша жүргізушілер тұманнан жолы көрмей, жылдамдық режимі мен қауіпсіз арақашықтығын сақтамағандықтан апат орын алған.
Оқиға болған жол учаскесі ІА техникалық санатқа жатады, 6 жолақты. Жолдың жүру бөлігі құрғақ, ақаусыз және бөгде заттар болмаған.
Жол-көлік оқиғасы нәтижесінде зардап шеккендер мен қаза тапқандар жоқ. Қазіргі таңда жол бойынан 18 көліктің 16-сы шығарылды. Екі көлік бөлгіш жолақтың бойында эвакуатор қызметін күтуде.
