290
Рыбакина Дубайдағы халықаралық турнирде жеңіске жетті
Бұл турнирде қазақстандық спортшы төрт жеке кездесу өткізіп, оның бірінде жеңіске жетті
Қазақстандық теннисші, әлемнің алтыншы ракеткасы Елена Рыбакина өнер көрсеткен “Сұңқарлар” командасы Дубайда (БАӘ) өткен World Tennis League-2024 көрме турнирінің жеңімпазы атанды.
Vesti.kz порталының жазуынша, Рыбакинамен бірге команда құрамында Ресей теннисшісі Андрей Рублев, Канада атынан шыққан Денис Шаповалов және француз теннисшісі Каролин Гарсия болды.
Бұл турнирде қазақстандық спортшы төрт жеке кездесу өткізіп, оның бірінде жеңіске жетті. Ол румын теннисшісі Симона Халепті 6:4 есебімен жеңді. Ал үш кездесуде жеңіліс тапты: әлемнің бірінші ракеткасы, белорусь теннисшісі Арина Соболенкодан 6:7, поляк Ига Швентектен 3:6 және ресейлік Мирра Андреевадан 2:6 есебімен ұтылды.
