215
Алматыда полиция 365 келі пиротехника тәркіледі
19 желтоқсандағы жағдай бойынша пиротехникалық өнімдердің 141 қорабы және бірнеше рет атылатын «VIP Салют» отшашуларының 125 данасы тәркіленді.
Алматы полициясы «Пиротехника» жедел-алдын алу шарасы туралы айтып берді.
Алматы қаласы Полиция департаментінің әкімшілік полиция басқармасы басшысының орынбасары Тимур Серікұлының айтуынша, қалада «Пиротехника» операциясы жүргізіліп жатыр.
– Қала аумағында 145 мобильді топ жұмыс істейді. Біздің міндетіміз — қауіпті өнімдерді сатудың алдын алу және әсіресе кәмелетке толмағандар арасында жарақат алу қаупін болдырмау, — деді Тимур Серікұлы.
19 желтоқсандағы жағдай бойынша пиротехникалық өнімдердің 141 қорабы және бірнеше рет атылатын «VIP Салют» отшашуларының 125 данасы тәркіленді.
– Пиротехниканы заңсыз сатудың 22 фактісі анықталды. Тәркіленген өнімнің жалпы салмағы 365 келі. Бұл бағыттағы жұмыс жалғасатын болады,– деп атап өтті полиция өкілі.
