Талғар ауданында Полиция басқармасының жаңа басшысы тағайындалды
Жаңа басшының шені – полиция подполковнигі.
Талғар аудандық Полиция басқармасы басшысының міндетін атқарушы болып Айдар Әбдікерімұлы Омаров тағайындалды, деп хабарлайды turkystan.kz.
«ҚР Ішкі істер министрінің бұйрығымен Талғар ауданының Полиция басқармасының басшысының міндетін атқарушы лауазымына полиция подполковнигі Омаров Айдар Әбдікерімұлы тағайындалды», - деп хабарлады Алматы облысының Полиция департаментінің баспасөз қызметі.
Айта кетейік, 16 жастағы Шерзат Болаттың өлімінен кейін Алматы облысының ішкі істер саласынан бірнеше лауазымды тұлға қызметінен босатылған болатын. Атап айтқанда Алматы облысының Полиция департаменті басшысының бірінші орынбасары Серік Шалхаров, Талғар ауданының Полиция басқармасының басшысы Нұржан Күнтүнов, Алматы облысының Полиция департаментінің экстремизмге қарсы күрес басқармасының басшысы Ұлан Байтақов, Алматы облысының Полиция департаментінің Криминалды полиция басқармасының басшысы Руслан Смағұлов, Алматы облысының Полиция басқармасының Ұйымдасқан қылмыспен күрес басқармасының басшысы Дулат Қайыр мен оның орынбасары Жанат Омаров бар.
