Жәнібек Әлімханұлы Канело Альваресті жекпе-жекке шақырды

Орта салмақта WBO және IBF чемпионы Жәнібек Әлімханұлы (16-0, 11 КО) мексикалық Сауль Канело Альвареспен (62-2-2, 39 КО) жұдырықтасқысы келетін мәлімдеді, деп хабарлады turkystan.kz. 

Ол танымал боксшыны ақпан айында жұдырықтасуға шақырды.

«Менің ойымша, тек Канелоның ғана менімен жұдырықтасуға батылы жетеді! Канело, кел, ақпанда жұдырықтасайық! Менің дивизионымда чемпиондар жұдырықтасудан қорқады! Кел, әлемге жақсы бокс көрсетейік!», — деп жазды Жәнібек Әлімханұлы X әлеуметтік желісіндегі парақшасында.